Phu Loh Ṭhahniang Lyrics

Duhaisam tawng lova hun kha leh chen a liam hnuin,
Ka tawng ta che phu loh thahniang;
Mak tiin chhun ni ka hmang thin,
Leng dang ngai bik lo vin ka thinlung a lawm.

I tan tia ka thinlung hmangaihna ka hlan che,
A tlawm lua tih ka hai lo;
Mah se, nang chuan i pawm a,
Nghilh bik lo la, rinawmna vawng la,
Khuanu zarah runhmun kan leng ngei ang.

Par mawi tin vul reng reng an awm thei lo he lei chinah,
A iangin hringmi kar thu a vul reng thei lo;
La zai hnawk mah an phelh mar chuan,
Kei chuan kan kar buai leh hnawk ka phelh mar zel ang

Khuarei kumsul pawh vei se,
I lungdumtu ka tlin reng thei nan;
Khuanu hnen ka thlen zel fo thin,
Kan vul zel nan, rauthla chan thlenga indi rial rialin

Aw bawihte, min hmangaihna ka tan a hlu,
Lei ro thil hlu zawng zawng hian, a hen zo bik lo'ng e;
I anka khak chang awm mah se,
I thatna a pawlh thlum leh fo thin,
Ka kiangah awm reng rawh bawihte

Nghilh bik lo la, rinawmna vawng la,
Khuanu zarah runhmun kan leng ngei ang,
Kan leng ngei ang.....